Foto: Erlan Omar
«Astana qalasy máslıhatynyń 2023 jylǵy 3 qazandaǵy № 84/10-VIII qaýlysymen bekitilgen elorda boıynsha áleýmettik kómek kórsetý, mólsherlemelerin belgileý jáne muqtaj azamattardyń jekelegen sanattarynyń tizbesin aıqyndaý qaǵıdalaryna sáıkes, 8 naýryz – Halyqaralyq áıelder kúnine oraı kópbalaly otbasylarǵa, kópbalaly analarǵa – 36 myńǵa jýyq azamatqa 2,5 AEK (9830 teńge) mólsherinde birjolǵy áleýmettik kómek beriletin bolady», dep habarlady qala ákimdiginiń baspasóz qyzmeti.
Esterińizge sala keteıik, tólem kópbalaly otbasylarǵa, kópbalaly analarǵa, onyń ishinde Astana qalasynda tirkelgen jáne turaqty turatyn áleýmettik az qamtylǵan analarǵa «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamynyń Áleýmettik tólemder ortalyǵynyń tizimderi negizinde júzege asyrylady.
