Foto: baiterek.gov.kz
«Memleket basshysynyń Jarlyǵymen Qanat Bısımbaıuly Sharlapaev Qazaqstan Respýblıkasy Prezıdentiniń ekonomıkalyq máseleler jónindegi kómekshisi bolyp taǵaıyndaldy, ol burynǵy atqarǵan laýazymynan bosatyldy», dep jazylǵan habarlamada.
Ol 1981 jyly Reseı Federasııasynda týǵan. Saratov áleýmettik-ekonomıkalyq ýnıversıtetin, Krenfıld menedjment mektebin (Ulybrıtanııa) aıaqtaǵan. Mamandyǵy boıynsha ekonomıst, qarjy jáne basqarý magıstri.
Eńbek jolyn 2003 jyly RF-nyń Petrokommers bankiniń Klıentterdi basqarý basqarmasynyń menedjeri bolyp bastaǵan.
2006-2008 jyldary «Sıtı» ınvestısııalyq bankiniń London (Ulybrıtanııa), Praga qalalaryndaǵy (Chehııa) Qarjy departamentinde maman bolyp jumys istegen. 2008-2014 jyldary «Sıtı» ınvestısııalyq bankiniń (Ulybrıtanııa) naryqtaǵy aksııalar jumysy jónindegi óńirlik dıvızıonynyń aǵa taldaýshysy, vıse-prezıdentiniń kómekshisi, vıse-prezıdenti bolǵan.
2014-2015 jyldar aralyǵynda Ulybrıtanııanyń «Sıtı» ınvestısııalyq bankiniń Eýropa, Taıaý Shyǵys jáne Afrıka boıynsha Strategııalyq josparlaý jáne taldaý óńirlik tobynyń vıse-prezıdenti laýazymyn atqarǵan.
2015-2017 jyldary Qazaqstannyń Sıtıbankinde bas qarjy dırektory, basqarma tóraǵasynyń orynbasary, aǵa vıse-prezıdenti bolǵan.
2017-2020 jyldar aralyǵynda Reseı Federasııasynyń «Sıtı» ınvestısııalyq bankiniń Reseı, Ýkraına jáne Qazaqstan boıynsha bas qarjy dırektory, aǵa vıse-prezıdenti bolyp jumys istegen. 2020 jyly «Sıtı» ınvestısııalyq bankiniń (BAÁ) Afrıka, Taıaý Shyǵys pen Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi óńirlik dırektory laýazymyna taǵaıyndalǵan.
2022 jylǵy aqpannan bastap «Báıterek» ulttyq basqarýshy holdıngi aksıonerlik qoǵamynyń Basqarma tóraǵasy qyzmetin atqarǵan.
2023 jyldyń 4 qyrkúıeginen bastap QR О́nerkásip jáne qurylys mınıstri bolyp taǵaıyndalǵan.
