Foto: Erlan Omar
Qor ekinshi deńgeıli bankterdiń ótimdiligin ekonomıkaǵa nesıe berýge jáne jeke jáne memlekettik qatysýshylar úshin qarjylandyrýdyń tartymdylyǵyn arttyrý quraly retinde qyzmet etetin bolady.
Mehanızmniń negizgi máni mynada – memleket iri jobalardy nesıelendirýge baılanysty qarjylyq táýekelderdiń bir bóligin ózine alady. Bul qarjylandyrýǵa qol jetkizý men sharttaryn jaqsartýǵa múmkindik beredi, óz kezeginde ekonomıka úshin mańyzdy bastamalardy damytýǵa yqpal etedi. Holdıng janynan Kepildik qory qurylyp, quny 7 mlrd teńgeden bastalatyn jobalardy qoldaýǵa baǵyttalady.
«Bul qor iri jáne strategııalyq mańyzdy jobalardy jetkilikti kepilmen qamtamasyz etý máselesin sheshý úshin pármendi qural bolady. Joba bastamashysy joba qunynyń keminde 20%-y mólsherinde óziniń qatysýyn qamtamasyz etýi tıis. Joba qunynyń qalǵan 80%-y ekinshi deńgeıli bankterdiń jáne Qazaqstan Damý banki nesıesi esebinen qarjylandyrylady. Bul rette, kredıtorlar úshin Holdıngtiń kepildigi qarjylandyrý somasynyń 30%-yna deıin bolady», dep atap ótti Rýstam Qaraǵoıshın.
