Foto: primeminister.kz
Búginde tehnologııalyq operasııalar sıpattamasy bar 2400-den astam ónim toby anyqtalǵan. Májilistiń málimetinshe, kásiporyn belgili bir ónim boıynsha qajetti operasııalardy oryndasa, ol otandyq óndirýshi mártebesin alady.
Tizilimge tegin engizý prosessi myna kezeńderdi qamtıdy: ótinim berý - sıfrlyq tekserý - óndiristi baǵalaý - engizý nemese bas tartý týraly sheshim. Sodan keıin kásiporyn úsh aı saıyn monıtorıngten ótedi. О́ndiris toqtatylǵan nemese sáıkessizdikter anyqtalǵan jaǵdaıda ony tizimnen shyǵarý máselesi qaralady. Kelispeýshilik týyndaǵan jaǵdaıda óndirýshi apellıasııalyq komıssııaǵa shaǵymdana alady. Shaǵymdy «Atameken» Ulttyq kásipkerler palatasy men salalyq qaýymdastyqtardyń ókilderimen birge qaraıdy.
Endi otandyq taýar óndirýshiler memleket tarapynan sýbsıdııalar, eksport shyǵyndarynyń bir bóligin óteý, sheteldik kórmelerge qatysý, kólik shyǵyndarynyń bir bóligin jabý jáne basqa da qoldaýǵa ıe bolady. Sonymen birge endi ulttyq rejımnen bosatylǵan taýarlardy satyp alý kezinde konkýrs tek osy tizilimge engizilgen kásiporyndar arasynda ótkiziledi. Iаǵnı, tender jeńimpazdary otandyq taýar óndirýshilerdiń ónimderin satyp alýǵa mindetteledi.
