Akademık Naılıa Orazǵulqyzy Bazanova – Qazaqstan men Ortalyq Azııadaǵy tuńǵysh áıel-akademık, kórnekti fızıolog, qoǵam qaıratkeri. Ol qazaq áıelderi arasynan shyqqan tuńǵysh bıologııa ǵylymynyń doktory, professor, Qazaq KSR ǵylym akademııasynyń akademıgi, Qazaqstannyń eńbek sińirgen ǵylym qaıratkeri.
UǴA Prezıdenti, akademık Aqylbek Kúrishbaev ǵalym arýlardy 8 naýryz halyqaralyq áıelder merekesimen quttyqtap, elimizdegi ǵylymdy damytýdyń mańyzyn atap ótti.
Aıtýly sharaǵa ǵylymdy damytýǵa aıryqsha úles qosyp júrgen 400-ge jýyq jetekshi áıel-ǵalymdar, ǵylymı qyzmetkerler, oqytýshylar men joǵary oqý oryndarynyń, ǵylymı uıymdardyń basshylary qatysyp, áıel-ǵalymdarǵa arnalǵan akademık N.Bazanova atyndaǵy marapat otandyq ǵylymnyń damýyna aıryqsha úles qosyp, ǵylymnyń ártúrli baǵyttarynda úzdik nátıje kórsetip júrgen 48 ǵalymǵa tabys etildi. Marapatqa laıyqty úmitkerler ýnıversıtetter men ǵylymı-zertteý ınstıtýttary ujymdarynyń usynystary boıynsha anyqtaldy.
«Memleket basshysynyń bastamasymen «Jańa Qazaqstan» qurýdy aldymyzǵa maqsat etip qoıyp otyrmyz. Osy keshendi jospardyń ishinde áıelderdiń ǵylym salasyn damytýdaǵy alar orny erekshe bolmaq. Aldymyzda jaýapty mindetter tur. Prezıdent «Áıel – ómir tiregi ǵana emes, ómirdiń ózi» deı otyryp, áıelder eńbegin laıyqty baǵalaý, ana men otbasyn qorǵaý, rýhanı qoldaý – memlekettik saıasattyń altyn arqaýy ekenin árqashan atap aıtyp keledi. О́tken bir jyldyń ishinde qanshama jas ǵalym qyzdarymyz memleket basshynyń tapsyrysymen páter aldy. Memlekettik syılyqtar, stıpendııa, granttar ıegerleri atandy. Bul úrdis áli de jalǵasady dep senemiz. Kóktem merekesi – barsha názik jandylarǵa degen sheksiz súıispenshiliktiń belgisine aınaldy. Halqymyzda «Ana ultty tárbıeleıdi» degen qanatty sóz beker aıtylmaǵan. Qoǵamda áıelder keńinen aralasqan salanyń barlyǵynda jeńis te, jemis te qatar júredi», dep atap ótti UǴA prezıdenti.
Búginde elimizde ǵylymmen aınalysyp júrgen áıelder arasyndaǵy zertteýshi mamandar 12 myńǵa jýyqtaıdy. Bul jalpy ǵalymdar sanynyń 55,6 paıyzyn quraıdy. Ǵylymı dáreje qorǵaǵan názik jandylar qatary jyl saıyn ósip keledi. Bıylǵy kórsetkish boıynsha áıelder arasyndaǵy ǵylym doktorlary – 848, ǵylym kandıdattary – 2 872, PhD doktorlar – 1 806-ǵa jetti.
UǴA derekteri boıynsha, byltyr qazaqstandyq ǵalym áıelder Web of Science jáne Scopus jýrnaldarynda 3 myńnan astam maqala jarııalanyp, 2023 jylmen salystyrǵanda 15 paıyzǵa artqan. Byltyr Web of Science birinshi kvartılindegi eń bedeldi jýrnaldarda jarııalaǵan maqalalar sany 500-den asty.
ALMATY
