Foto: Joǵarǵy Sot
Qyzmettik tekserýde merdigermen jasalǵan shart boıynsha jumystar is júzinde oryndalmaǵan, biraq jumystyń oryndalǵany týraly aktige fılıaldyń bas ınjeneri men dırektorynyń qoldary qoıylǵany anyqtalǵan. Komıssııa qyzmetker sharttyń oryndalýyna tıisti baqylaýdy júzege asyrmaǵan degen qorytyndyǵa kelgen.
Talap qoıýshy sotqa júgingen kezde jumysyn qalpyna keltirýdi suraǵan.
Jergilikti sottar talap qoıýshynyń eńbek demalysynan kelgennen keıin merdigerdiń jumysyn durys qadaǵalamaǵan dep eseptep, talapty oryndamaǵan. Sottar qyzmetkerdi jumystan shyǵarý sheshimin qabyldaǵanda AQ zańnamasynyń buzylýyn qaramaǵan.
Joǵarǵy Sot isti qaraı otyryp, talap qoıýshy senimin joǵaltý negizinde eńbek shartyn buzýǵa bolatyn qyzmetkerler sanatyna jatpaıdy degen qorytyndyǵa keldi (Eńbek kodeksiniń 52-baby 1-tarmaǵy 13) tarmaqshasy). Qyzmettik ókilettikteri men mindetterine sáıkes talap qoıýshy aqshalaı nemese taýarlyq aktıvtermen aınalysatyn jáne aqshalaı operasııalarǵa tikeleı ruqsaty bar qyzmetker bolyp tabylmaǵan.
Onyń ústine, oryndalǵan jumys aktisi jasalyp jatqan kezde talap qoıýshy eńbek demalysynda bolyp, aktige qol qoımaǵan.
Osylaısha, talap qoıýshy óziniń qyzmettik jaǵdaıyn jumys berýshiniń múddelerine qaıshy keletin jeke nemese basqa adamdardyń múddeleri úshin paıdalanǵany týraly dálelder anyqtalmady.
Joǵarǵy Sot is boıynsha shyǵarylǵan sot aktileriniń kúshin joıdy. Jumystan shyǵarý zańsyz dep tanylyp, talap qoıýshyny jumysyna oralatyn boldy.
