Foto: Ashyq derekkóz
Múftııattyń málimdemesinde Ramazan aıynyń qarapaıymdylyq pen meıirimdilikke negizdelgeni, al aýyzashar dastarhanynyń ysyrapqa emes, saýapqa baǵyttalýy tıis ekeni basa aıtyldy. Qasıetti Quranda da ysyraptyń quptalmaıtyny eskertilip, halyqty shynaıy qaıyrymdylyqqa úndegen.
«О́kinishke qaraı, sońǵy kezderi elimizdegi birqatar meıramhana, kafeler men dámhanalardyń ıeleri aýyzashar máziriniń baǵasyn óte joǵary usynyp, halyq arasynda túsinbeýshiliktiń týyndaýyna sebepshi bolýda. Asyl dinimiz aýyzashar dastarqanynda as ta tók ysyrapqa jol berýge, dastarqan jasaýda básekelesýdi quptamaıdy. Ondaı áreket saýapqa emes kúnáǵa jeteleıdi», delingen múftııat saıtynda.
Múftııat bul úndeýi arqyly qasıetti aıda jasalǵan ıgi amaldardyń shynaıy saýapqa aınalatynyna senim bildirdi.
«Qazaqstan musylmandary dinı basqarmasy meıramhana, kafeler men tamaqtaný oryndarynyń ıelerine halyqqa qoljetimdi qarapaıym aýyzashar mázirin usynýǵa shaqyrady», delingen habarlamada.
