Foto: parlam.kz
Depýtattyń aıtýynsha taıaýda Batys Qazaqstan oblysyndaǵy Báıterek aýdanyna qarasty Rýbejınskoe aýylynyń turǵyndarymen kezdesken. Aýdandaǵy eń ótkir másele jaıylymdyq jerlerdiń jetispeýshiligi. Ákimdiktiń málimetinshe, aýdanǵa 22 aýyldyq okrýg kiredi, olardyń 2-ýi ǵana normatıvter boıynsha jaıylymdarmen tolyq kólemde qamtamasyz etilgen eken.
«Atalǵan aýdandaǵy jergilikti turǵyndardyń aıtýynsha, 2000 jyldardyń bas kezinde mal sany qujattary boıynsha ǵana eseptelgen sharýashylyqqa jer bólindi. Sondaı-aq keıbir adamdardyń memlekettik jer kadastry bazasyna qol jetkizýine baılanysty aýyldyq aýmaqtardyń shekaralaryn óz betimen ózgertýge baılanysty alaıaqtyq jasaý da joqqa shyǵarylmaıdy», dedi depýtat.
Osy jáne basqa da keleńsizdikterdi aıtqan depýtat jalpy Qazaqstandaǵy jaıylymdardyń jetispeýshiligi týraly másele qozǵady.
«Qazaqstannyń 17 óńiriniń 15-inde jaıylym tapshylyǵy bar, bul jeke qosalqy sharýashylyqtardaǵy mal basynyń kóbeıýine baılanysty dep aıtqan Aýyl sharýashylyǵy mınıstrliginiń ustanymy meni tań qaldyrady.
Birinshi kezekte aýyl sharýashylyǵy vedomstvosynda tirkeýmen aınalysýdy toqtatyp, mal basynyń jáne agroónerkásiptik keshen statıstıkasynyń naqty sanaǵyn júrgizý qajet», dedi depýtat.
Májilismenniń aıtýynsha bizdiń jerler degradasııalanyp jatyr. Demek, taıaý bolashaqta bizdiń resýrstarǵa baı elimiz azyq-túliktiń kóp bóligin ımporttaýǵa májbúr bolady.
«Úkimetke jarqyn bolashaqty qaǵazda ýáde etýdi toqtatatyn kez keldi.
Búginde jer telimderiniń menshik ıeleri men jer paıdalanýshylar tarapynan uqypsyz qarym-qatynastyń saldarynan erozııaǵa ushyraǵan jáne erozııaǵa qaýipti aýyl sharýashylyǵy jerleriniń aýdany 90 mln gektardan asady, onyń 29,3 mln gektary is júzinde erozııaǵa ushyraǵan jáne odan ári paıdalanýǵa jaramsyz. Mıllıondaǵan gektar jer degen ne ekenin elestetip kórińizshi!», dedi depýtat Ashat Nurmaǵambetuly.
Sonymen qosa, depýtattyń aıtýynsha 175,3 mln ga jaıylymnyń 21,7 mln-y degradasııalanǵanyna nazar aýdarý qajet. Olardyń basym bóligi, 67,3 mln ga, shóleıt aımaqtarǵa, tozǵan jaıylymdarǵa (12,5 mln ga), sondaı-aq shóleıt aýmaqtar men shaǵyn adyrlarǵa tıesili.
«Aýyl sharýashylyǵy mınıstrine elimizdiń barlyq óńirlerindegi jaıylymdardy basqarý josparyn jasaýǵa, sondaı-aq onyń osy maqsattarǵa jaramdylyq deńgeıin taldaýǵa qatysty másele qalaı baqylanatynyn habarlaýdy jáne Bas prokýratýradan osy máseleler boıynsha zańdylyqty saqtaý máseleleri qalaı qamtamasyz etiletinin suraımyn», dep saýalyn aıaqtady A.Rahymjanov.
