Foto: Qorǵanys mınıstrligi
Mınıstrliktiń habarlaýynsha, 2024 jylǵy 13 naýryzdan bastap áskerı tehnıkanyń temirjol arqyly jáne óz júrisimen qozǵalysy josparlanǵan. Osyǵan baılanysty keıbir aımaqtarda joldardyń jekelegen ýchaskelerinde ýaqytsha shekteýler engizilýi múmkin.
«2025 jylǵy 22 sáýir men 7 mamyr aralyǵynda áskerı avıasııanyń jattyǵý ushýlaryn júrgizý úshin Astana qalasynda áýe keńistigin paıdalanýǵa qysqa merzimdi shekteýler qoıylady. Osyǵan baılanysty áýe reısteriniń kestesine de ózgerister engizilýi múmkin. Biz azamattarǵa reıster týraly aqparatty aldyn ala naqtylaýdy usynamyz», delingen habarlamada.
Qorǵanys mınıstrligi azamattardy engizilgen shekteýlerge túsinistikpen qaraýǵa, jalǵan aqparat taratpaýǵa jáne tek resmı derekkózderge súıenýge shaqyrady.
