Foto: OKQ
Statıstıkalyq derekterden belgili bolǵandaı, 2024 jyly Erekshe qorǵalatyn tabıǵı aýmaqtarǵa shamamen 2,8 mln adam barǵan, bul 2023 jylmen salystyrǵanda 400 myńǵa kóp.
Spıker qabyldanatyn sheshimderdiń ashyqtyǵyn qamtamasyz etý maqsatynda ulttyq parkterde úılestirý keńesteri qurylatynyn aıtty.
«Erekshe qorǵalatyn tabıǵı aýmaqtardy paıdalaný boıynsha barlyq sheshimder atalǵan úılestirý keńesteriniń usynymdaryn eskere otyryp qabyldanady», dedi komıtet tóraǵasy.
Sonymen qatar, tabıǵı qoryqtar men ulttyq parkterge kirý úshin tólem jınaýdyń ashyqtyǵyn qamtamasyz etý jáne sybaılas jemqorlyq qaýpin azaıtý maqsatynda ulttyq parkterdiń baqylaý-ótkizý beketterin avtomattandyrý turǵysynda jumystar júrgizilip jatyr.
«Búginde 9 baqylaý-ótkizý beketi avtomattandyryldy, sondaı-aq júıeni tolyq avtomattandyrý úshin IIM-niń derekter bazasymen ıntegrasııalaý jumystary júrgizilip jatyr», dedi D.Turǵambaev.
