Seksııalar jumysyna Úkimet pen ortalyq memlekettik organdardyń ókilderi qatysyp, quryltaıdyń ótken jyly naýryz aıynda Atyraý qalasynda ótken úshinshi otyrysynda kóterilgen bastamalardyń júzege asyrylý barysy týraly baıandady.
2024 jylǵy 1 qyrkúıekten bastap elimizdiń barlyq orta bilim berý uıymdarynda engizilgen jańartylǵan tárbıe jumysy baǵdarlamasynyń alǵashqy nátıjeleri qarastyrylyp jatyr.
Quryltaı músheleri óz sózderinde jalpyulttyq qundylyqtardy odan ári damytý qajettiligine nazar aýdardy. Bıylǵy «Jumysshy mamandyqtar jyly» aıasynda eńbekqorlyq pen kásibılik qundylyqtaryn dáripteýge erekshe mán berildi.
Sondaı-aq, jumys seksııalarynyń qatysýshylary bilim men ǵylymdy qoldaý jáne damytý boıynsha qabyldanǵan sharalardy oń baǵalady. «Jaıly mektep» baǵdarlamasynyń nátıjeleri, stıpendııalardyń kóterilýi, sheteldik JOO-lardyń jańa fılıaldarynyń ashylýy, kórnekti ǵalymdar men pedagogtardyń memlekettik marapattarmen yntalandyrylýy erekshe atap ótildi.
Quryltaı músheleri memleket pen qoǵamnyń áleýmettik keselderge qarsy birlesken jumysyna da nazar aýdardy. Lýdomanııaǵa qarsy keshendi jospardyń, esirtkige qarsy kúres josparynyń alǵashqy nátıjeleri qaraldy. Sondaı-aq, 2024 jyly 16 maýsymda kúshine engen turmystyq zorlyq-zombylyqqa qarsy kúres týraly zańnan keıin áıelder men balalardyń quqyqtaryn qorǵaý júıesiniń tıimdiligi aıtyldy.
Quryltaı músheleri bıylǵy jyldyń mańyzdy oqıǵalary retinde Memlekettik egemendiktiń 35 jyldyǵyna, Konstıtýsııanyń 30 jyldyǵyna, Jeńistiń 80 jyldyǵyna jáne Abaıdyń 180 jyldyǵyna erekshe basymdyq berdi.
Sonymen qatar, quryltaı múshelerine Ulttyq quryltaıdyń úshinshi otyrysynda Prezıdent Q.Toqaevtyń energetıka, kólik, turǵyn úı qurylysy jáne gazdandyrý salalaryndaǵy keń kólemdi ınfraqurylymdyq bastamalaryn iske asyrý nátıjeleri týraly aqparat berildi. Atap aıtqanda, ótken jyly 2029 jylǵa deıingi Ulttyq ınfraqurylymdyq jospar qabyldandy. Onyń aıasynda jalpy quny 40 trln teńgeden asatyn 200-den astam joba iske asyrylmaq.
Seksııa jumystary ónimdi dıalog formatynda ótip, ulttyq quryltaı músheleri ózderiniń jańa bastamalaryn áriptesterimen jáne múddeli memlekettik organdarmen tikeleı talqylady.
Jalpy, jumys seksııalarynyń qatysýshylary Ulttyq quryltaıdyń úsh jyl ishinde ıdeıalardy usyný jáne qoǵamnyń birligin nyǵaıtýǵa baǵyttalǵan strategııalyq qadamdardy qalyptastyrýdyń basty ınstıtýtyna aınalǵanyn atap ótti.
