Foto: Aqorda
Jıynǵa Quryltaı músheleri men basqa da delegattar qatysyp otyr. Qazirgi ýaqytta spıkerler sóz aldy.
Aıta keteıik, Memleket basshysynyń Jarlyǵymen Qazaqstan Respýblıkasy Prezıdentiniń janyndaǵy Ulttyq quryltaı 2022 jyly quryldy.
Alǵashqy otyrysy sol jyly Ulytaý óńirinde ótti. Keler jyly ulttyq máseleler Túrkistanda talqy tarazysyna salyndy. Byltyr quryltaı músheleri Atyraýda bas qosty.
Quryltaı dástúriniń qaıta jańǵyrýy halyqtyń erik-jigerin bir arnada toptastyryp, memlekettik mańyzy bar ózekti máselelerdi sheshýdi kózdeıdi. Qazaqstan Respýblıkasy Prezıdenti janyndaǵy konsýltatıvtik-keńesshi organ retinde eldegi qoǵamdyq konsolıdasııany odan ári nyǵaıtýdy kózdeıtin usynystar men strategııalardy ázirleýde sheshýshi ról atqarady. О́z qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasy Prezıdentiniń aktilerin jáne ózge de normatıvtik quqyqtyq aktilerdi basshylyqqa alady. Qoǵamdyq konsolıdasııany odan ári damytý úshin ıdeıalar men qadamdardy tujyrymdaýdy maqsat etedi.
Ulttyq quryltaı el turǵyndarynyń keń aýqymdy pikiri men kózqarasy toǵysatyn negizgi ulttyq dıalog alańyna aınaldy. Bul Prezıdenttiń josparyna sáıkes memleket pen halyq arasyndaǵy baılanysty nyǵaıtyp, Qazaqstannyń damý jolynda nátıjeli de ózara tıimdi yntymaqtastyqqa septigin tıgizedi.
