Telehıkaıa Qazaq teatrynyń 100 jyldyǵyna arnalǵan. Úsh bólimdi serıal arqyly kórermender sol kezdegi astana Qyzylorda qalasynda 1925 jyly qurylǵan tuńǵysh ulttyq qazaq teatrynyń tarıhymen, óner ordasynyń Almatyǵa kóshirilýi kezindegi kórnekti rejısser Jumat Shanınniń eńbegimen tanysady.
Tarıhı telehıkaıada 1927 jyly Máskeýde ótken etnografııalyq konserttegi qazaq zııalylarynyń óner kórsetýi jáne sol kezdegi Qalybek Qýanyshbaev, Ámire Qashaýbaev, Kúlásh Baıseıitova, Serke Qojamqulov bastaǵan qazaq delegasııasy quramyndaǵy qaıratkerlerdiń róli jan-jaqty kórsetiledi.
Telehıkaıanyń qoıýshy-rejısseri – Jasulan Poshanov. Basty róldegi Jumat Shanınniń jas kezin Ǵalym Ospanov, eseıgen shaǵyn Azamat Esqulov oınaıdy. Serke Qojamqulovtyń beınesin Jandáýlet Bataı, Ámire Qashaýbaevty Birjan Báziljanov, Qalybek Qýanyshbaevty Almas Shaıahmetov somdaıdy. Al Kúlásh Baıseıitovanyń rólinde kórermen Inabat Rızabekovany kóre alady.
