Foto: Ashyq derekkóz
Qalalyq jumyspen qamtý jáne áleýmettik baǵdarlamalar basqarmasynyń málimetinshe, jumyspen qamtý sharalarymen 32 myń adamdy qamtý josparlanǵan. Onyń 10,6 myńy turaqty jumyspen qamtylsa, 8,7 myńy sýbsıdııalanǵan jumysqa ornalasady.
Sonymen qatar 7 myń adam enbek.kz platformasynda qysqa merzimdi kýrstardan ótip, «Bastau Business» jobasyna qatysa alady. Kásipkerlik bastamalardy qoldaýǵa 400 AEK-ke deıin (1 572 800 teńge) granttar da qarastyrylǵan.
Almatyda ótken jyly 84,7 myń jumys orny ashylyp, jumyssyzdyq deńgeıiniń 4,8 paıyzdan 4,6 paıyzǵa tómendeýine yqpal etken.
Esterińizge sala keteıik, buǵan deıin elimizdiń soltústik, ortalyq jáne shyǵys óńirlerinde 379 ınvestısııalyq joba júzege asyrylyp, 50 myń jumys orny ashylǵan edi.
