«Taza Qazaqstan» • 04 Sáýir, 2025

Jeńistiń 80 jyldyǵyna arnalyp seksen kóshet otyrǵyzyldy

70 ret

kórsetildi

1 mın

oqý úshin

Qorǵanys mınıstriniń garnızondar men áskerı bólimderge aǵash kóshetterin jappaı otyrǵyzý jónindegi bastamasyn Keńes Odaǵynyń Batyry general-maıor Sabyr Rahymov atyndaǵy áskerı kolledjdiń (Shymkent) jeke quramy jigerlene qabyldaǵan, dep jazady Egemen.kz.

Shyńǵys MUQAEV

Jeńistiń 80 jyldyǵyna arnalyp seksen kóshet otyrǵyzyldy

Fotolar: Qorǵanys mınıstrliginiń baspasóz qyzmeti

Saıram-О́gem memlekettik ulttyq tabıǵı parkiniń ujymymen birlesip, 80 kóshet otyrǵyzǵan atalǵan áskerı kolledjdiń bastyǵy polkovnık Maqsat Aqshalov saltanatty jıyndaǵy sóılegen sózinde: «Mundaı sharalar adamdardyń yntymaǵyn arttyrady, eń bastysy, eńbegimizdiń jemisi keıingi urpaqty qýantady», dedi.

Kógaldandyrý bastamasynyń mańyzdylyǵyn atap ótken atalǵan park dırektory Saǵadat Nurjigitov ekoaksııaǵa belsene qatysqan kolledjge rızashylyǵyn bildirip, kolledj basshylyǵyna alǵys hat pen tárbıelenýshilerdiń ulttyq saıabaqta demalysyn uıymdastyrýǵa arnalǵan 25 joldama tabystady.

Kolledj ujymy men ulttyq park qyzmetkerleriniń birlesken kúsh-jigerimen arsha, jemis jáne japyraqty aǵash kóshetteri otyrǵyzyldy.

Shara sońynda saıabaq qyzmetkerleri ósimdikterge kútim jasaý jóninde nusqaýlyq ótkizdi. Kolledj tárbıelenýshileri kóshetterge qamqor bolýǵa, olardyń usynystaryn oryndaýǵa ýáde etti.

gov.kz