Foto: egemen.kz/Erlan Omar
Mınıstrliktiń málimetinshe, ótinishterdi qabyldaý bıyl bes aı boıy 31 tamyzdy qosa alǵanǵa deıin jalǵasady. Bıyl boljam boıynsha mektep tabaldyryǵyn 370 myńnan astam bala attaıdy.
«Alǵashqy úsh kúnde 24 myńǵa jýyq ótinish kelip tústi. Eń úlken belsendilik Astana men Túrkistan oblysynda baıqalýda. Ata-analardyń shamamen 70 paıyzy memlekettik tilde oqytýdy tańdady», delingen QR Oqý-aǵartý mınıstrliginiń Orta bilim komıtetiniń habarlamasynda.
О́tinishti onlaın eGov.kz elektrondyq úkimet portaly arqyly nemese eGov Mobile mobıldi qosymshasy, sondaı-aq qaǵaz túrinde-tikeleı mektepte berýge bolady. О́tinimder demalys jáne mereke kúnderin qospaǵanda, dúısenbiden jumaǵa deıin qabyldanady.
