Kásiporyn dırektory Konstantın Kargerdiń aıtýyna qaraǵanda byltyrǵy sý tasqynynyń kesirinen qurylys jumystary saıabyrsyp qalǵan. О́ıtkeni, qurylys alańyna sý kirgendikten jumys toqyraǵan. Alaıda bıyl qurylys qarqyndy júrgizilip jatyr.
«Osy jyldyń aıaǵynda alǵashqy ónimderimizdi shyǵara bastaımyz. Qazirdiń ózinde «Qarmet» kompanııasynan 450 tonna júk kóteretin kópirli krandarǵa tapsyrys tústi», deıdi ol.
Zaýyt tolyq qýatyna engende 300 adamǵa jumys oryny ashylady. Qurylys alańy 13,5 myń sharshy metr aýmaqty qamtyǵan. Barlyq tehnologııa Germanııadan ákelingen. Bul zaýyt Qazaqstanda ǵana emes barlyq TMD aýmaǵynda biregeı kásiporyn bolmaq. Onda krandardyń birneshe túri shyǵarylatyn bolady.
