Foto: Úkimettiń baspasóz qyzmeti
Otyrysqa memlekettik organdardyń ókilderi men «Atameken» Ulttyq kásipkerler palatasynyń músheleri qatysty. Olar qazirgi retteý ortasynyń jaı-kúıi men bıznes salasyndaǵy negizgi máselelerdi talqylady.
Kezdesý barysynda birqatar mańyzdy baǵyttar boıynsha retteýshilik áserge júrgizilgen taldaýdyń nátıjeleri qaraldy. Negizgi máselelerdiń biri jeńil ónerkásip taýarlarynyń tańbalanýyn jáne qadaǵalanýyn engizý, sondaı-aq joǵary voltty jabdyqtarǵa qoıylatyn qaýipsizdik talaptaryn belgileý boldy. Zııatkerlik menshik quqyqtarynyń obektilerin paıdalanýdy baqylaý, sondaı-aq joǵary voltty jabdyqtyń belgilengen standarttarǵa sáıkestigin mindetti túrde rastaý máseleleri talqylandy.
Talqylaýdyń mańyzdy bóligi kásipkerlik qyzmette adam quqyqtarynyń saqtalýyn qamtamasyz etý boıynsha jumys tobynyń usynymdary boldy.
Memlekettik retteýshi organdar men komıssııa músheleri usynǵan tujyrymdar negizinde retteýshilik áserge júrgizilgen taldaýdyń nátıjeleri qaralyp, maquldandy.
Serik Jumanǵarın bıznes-qaýymdastyqtyń habardar bolý deńgeıin arttyrý maqsatynda memlekettik retteýshi organdarǵa engizilip jatqan retteý quraldary boıynsha túsindirý jumystaryn júrgizýdi tapsyrdy.
Budan bólek, otyrysta bıznestiń ózekti máselelerin sheshý úshin Ulttyq ekonomıka vıse-mınıstri tóraǵalyq etetin ári «Atameken» UKP teń tóraǵalyǵymen jumys tobyn qurý usynyldy. Bul jumys toby eki aptada bir ret turaqty túrde bas qosyp, ár sala boıynsha kásipkerler tap bolatyn máselelerge nazar aýdaratyn bolady.
