Foto: ashyq derekkóz
Sonaý 1995 jyly tájik-aýǵan shekarasynda sodyrlarmen bolǵan qarýly qaqtyǵysta 17 qazaqstandyq oqqa ushyp, otyzdan astam sarbaz jaraqat alǵany este.
«Biz jyl saıyn bozdaqtardy eske alamyz. Bir jaǵynan esil erlerdiń arýaǵyna kórsetilgen qurmet bolsa, ekinshi jaǵynan jelkildep ósip kele jatqan jas urpaqty erlikke tárbıeleýdiń mysaly. Negizinde jastar el qorǵaý jolynda opat bolǵan batyrlardyń erlik isin bilýge tıis», deıdi «Aýǵan soǵysy ardagerleri men múgedekteriniń odaǵy» qoǵamdyq birlestiginiń tóraǵasy Dýanbaı Ybyraı.
Estelik aıtýshylardyń sózine qaraǵanda, jetinshi qurama bitimgershilik rotasy tutqıyldan jasalǵan shabýylǵa tap bolǵan. Qarýly qaqtyǵys bes saǵatqa sozylypty. Bizdiń jaýyngerler áskerı boryshyn abyroımen atqarǵan. Qazaqstan Respýblıkasy Prezıdentiniń Jarlyǵymen qaza tapqan jaýyngerlerdiń beseýi ekinshi dárejeli «Aıbyn» ordenimen, ózgeleri «Jaýyngerlik erligi úshin» medalimen marapattalǵan.
Qaqtyǵysqa qatysýshylardyń biri Talǵat Qadyrjanov óz sózinde qandy oqıǵanyń qalaı órbigeni týraly aıtyp berdi. Júrek tebirenterlik áserli estelik boldy.
