Aıryqsha jobaǵa ún qosýshylar soǵysqa qatysqan týystarynyń nemese áskerı jyldardaǵy otbasylyq muraǵattaǵy fotosýretterin áleýmettik jelilerge jarııalap, olardy qysqasha áńgimelermen nemese esteliktermen birge usynýda.
«Almatylyqtardyń árbir otbasy derlik óz atasy men ájesiniń esteligin qasterlep saqtaıdy – bul qara-aq fotosýretter, sarǵaıǵan hattar, jeke zattar bolýy múmkin. Bizdiń beıbit kúnimiz úshin janyn qıǵan batyr ata-babalarymyzdyń erlikteri, Otanyna adal bolǵan júzdegen myń qazaqstandyqtardyń jadynda máńgilikke qalady!» deıdi uıymdastyrýshylar.
Máselen, ááleýmettik jeli qoldanýshylarynyń biri Aıjan Maratova atasynyń aǵasy týraly áserli jazba qaldyrǵan.
«Atamnyń aǵasy Lenıngradty jankeshtilikpen qorǵaǵandardyń biri bolǵan. Soǵys jaıly sırek aıtatyn, kóbine únsiz qalatyn, ishki jan-dúnıesinde kóp nárseni jasyryp júretin. Jeńis kúni ol árqashan sabyrly bolatyn. Biraq bir jyly, búkil otbasymyzben qaza tapqandar eskertkishine barǵanda, onyń erni dirildep, kózinde jas jyltyrap turǵanyn kórdim. Ol jaı ǵana bylaı dedi: «Shynaıy jeńis – tek qalalardy azat etýde emes, fashızmdi jeńýde emes. Jeńis – halyqtyń bárin bastan ótkerip, adamshylyqtan aıyrylmaı, aman qalǵanynda». Bul sózder máńgi esimde qaldy».
Áleýmettik jelilerde almatylyqtar ózderiniń ata-ájeleriniń soǵys jyldaryndaǵy oqıǵalarymen belsendi bólisýde. Dál osy jerde erlikpen Otanyn qorǵaǵan ataqty atqyshtar dıvızııalary qurylǵan bolatyn.
1942 jyldyń 13 tamyzynda Almatydan maıdanǵa attanǵan 100-atqyshtar brıgadasy alǵashqy ulttyq quramalardyń biri boldy.
