О́ńirlik brıfıngte M.Áýezov atyndaǵy Qazaq ulttyq drama teatrynyń dırektory, Qazaqstannyń eńbek sińirgen qaıratkeri Erkin Jýasbek, teatr dırektorynyń shyǵarmashylyq jónindegi orynbasary, teatr rejısseri Elik Nursultan, osy teatrdyń ártisteri: Qazaqstannyń eńbek sińirgen ártisi Aıdos Bektemir, Qazaqstan Jastar odaǵy «Serper» jastar syılyǵynyń laýreaty Záýre Kópjasarova tikeleı efırde BAQ ókilderi men kórermenniń suraǵyna jaýap berdi.
Sáýirdiń 12 kúni Jezqazǵan qalasyndaǵy Serke Qojamqulov atyndaǵy Ulytaý oblysynyń qazaq mýzykalyq drama teatrynda saltanatty ashylýy boldy. Alataýdyń baýyrynan kelgen óner ujymyna oblys ákiminiń quttyqtaý haty, kádesyı jáne yqylas gúli tartý etildi.
Alǵashqy kúni Sábıt Muqanovtyń «Móldir mahabbat» dramasy boldy. Rejısseri Á.Rahımov.
Sáýirdiń 13 kúni Ǵabıt Músirepovtiń «Qyz Jibek» mýzykalyq dramasyn qoıdy. Rejısseri E.Nursultan.
Aldaǵy ýaqytta I.Saparbaıdyń «Syǵan serenadasy» /rejısseri E.Obaev, T.Aralbaı/ mıýzıkl, J. Erǵalıevtiń «Qas qaǵym» metafızıkalyq tragedııasy jáne «Sezim hattary» atty ujym uıymdastyrǵan qoıylym kórermenge usynylady.
Ulytaý oblysy
