Foto: Ult.kz
–Jańa órt maýsymynyń aldynda tótenshe jaǵdaılar departamenti jaǵdaı ýshyǵatyn bolsa, iske qosatyn kúshter men quraldardyń naqty tizimin bekitti. Jalpy sany 1000-nan astam adam jáne 262 tehnıka kez kelgen sátte oqıǵa ornyna jiberilýge daıyn. Olardyń qatarynda bizdiń departament, polısııa departamenti, tabıǵı resýrstar basqarmasy, áskerı bólimder, jergilikti atqarýshy organdar, temirjol jáne jol qyzmetiniń ókilderi bar. Sonymen qatar, oblysta 6 órt poıyzy bar, bul ásirese, temirjol ınfraqurylymyn qorǵaýda mańyzdy ról atqarady,– deıdi oblystyq tótenshe jaǵdaılar departamenti memlekettik órt baqylaý basqarmasynyń bas mamany Dosbol Jaqsybaev.
Tilsiz jaýmen kúreste erikti jasaqtardyń septigi mol. О́ńirde 1000-nan astam adamnan quralǵan 210 erikti jasaq jumys isteýde. Buǵan qosa, 51 jergilikti atqarýshy organnyń órt sóndirý beketi bar. Olar alys aýyldarda jáne eldi mekenderde órttiń alǵashqy belgileri baıqalǵan sátte jyldam áreket etýge tıis.
О́rt oshaqtaryn erte anyqtaý úshin spýtnıktik monıtorıng qoldanylady. Jergilikti jerlerde jaǵdaıdy 108 mobıldi top baqylaıdy. Onyń quramynda orman jáne dala alqaptaryn, demalys oryndaryn patrýldeıtin 425 qyzmetker bar. Buǵan deıin jasalǵan 22 reıd barysynda órt qaýipsizdigi erejelerin buzýdyń 5 faktisi anyqtaldy. Úsh azamatqa eskertý jasaldy, al ekeýi 78 640 teńge kóleminde aıyppul tóledi.
Aqmola oblysy
