«Qazaqstan Respýblıkasynyń Reseı Federasııasyndaǵy Elshiligi 2025 jylǵy 18 sáýirden bastap sheteldik azamattar úshin jeke sáıkestendirý nómirin resimdeýge jáne onyń nátıjelerin berýge ótinishterdi qabyldaý jónindegi pılottyq jobany qaıta bastaıdy», delingen aqparatta.
Memlekettik qyzmetti alǵysy keletin azamat Qazaqstan Respýblıkasynyń shet elderdegi mekemesine nemese Mınıstrlikke jeke ózi júginedi.
«Eger kórsetiletin qyzmetti alýshynyń jeke basyn kýálandyratyn qujatta kırıllısada nemese latynsha naqtylaý derekteri (tegi, aty, ákesiniń aty (bar bolǵan jaǵdaıda), týǵan jeri) bolmaǵan jaǵdaıda, qujattyń notarıaldy kýálandyrylǵan aýdarmasyn qosa beriledi», dep eskertti.
Shet memlekettiń quzyretti mekemesi ne oǵan arnaıy ýákiletti tulǵa óz quzyreti sheginde jáne belgilengen nysan boıynsha bergen nemese kýálandyrǵan shet memlekettiń eltańbaly mórimen bekitilgen qujattar arnaıy kýálik (zańdastyrý nemese apostıldeý) rásiminen ótkennen keıin ǵana qabyldanady.
«Kórsetiletin qyzmetti alýshy qujattar toptamasyn tolyq usynbaǵan jáne (nemese) qoldanylý merzimi ótken qujattardy usynǵan jaǵdaıda qujattardy qabyldaýdan bas tartylady», dep qorytyndylady vedomstvo.
