Osyǵan oraı elimizde «Armııa ana kózimen» aılyǵy ótip jatyr. Sonyń aıasynda sarbazdar analarynyń basyn qosqan qoǵamdyq birlestik ókili Sharıfa Mýmınova bir top áriptesterimen birge Shymkent qalasynda ornalasqan áýe shabýylyna qarsy qorǵanys áskerleriniń áskerı bóliminde bolyp, qatardaǵy jaýyngerlerdiń ómirimen tanysty.
Sapar barysynda Sharıfa Ahmetjanqyzy bólimge shaqyrylǵan sarbazdardyń jeke quramymen kezdesý ótkizdi. Olarmen ashyq suhbat júrgizip, áskerı qyzmetshilerdiń moraldyq-turmystyq jaǵdaıyn kózben kórdi.
«Bizdiń basty mindetimiz – sizderge qoldaý kórsetý, týyndaǵan máselelerdi sheshýge kómektesý jáne áskerı qyzmet ýaqytyn qaýipsiz etý. Biz ár sarbazdy óz balamyzdaı ýaıymdaımyz. О́ıtkeni, bárimiz de anamyz, árıne, balalarymyzdyń áskerı boryshyn qalaı, qandaı jaǵdaıda atqaryp jatqany bizdi alańdatady. Árbir ana balasyna sabyrly bolý úshin biz áskerı bólimdermen barynsha tyǵyz qarym-qatynasta bolýǵa tyrysamyz» dedi ol.
Osy is-sharada sarbazdardyń ata-analary men «Analar júregi» komıtetiniń ókili jaýyngerlerdiń ashanasyn aralap, azyq-túlik ónimderin saqtaý tártibi men jaramdylyq merzimin tekserip kórdi. Sonymen qatar medısınalyq pýnktterde bolyp, qyzmetkerlermen áńgimelesip, medısınalyq kómekke júginý jýrnalyndaǵy jazbalarǵa nazar aýdardy.
Bólim basshylyǵynyń qoldaýymen kelgen qonaqtar kazarma men teorııalyq jáne praktıkalyq sabaqtar ótkizýge arnalǵan kabınetterdi de aralap kórdi. Ata-analar men qoǵamdyq uıym ókili áskerı qyzmetkerlerdiń qyzmet etýine jáne demalýyna qolaıly jaǵdaı jasaýǵa yqpal etetin tártip, tazalyq pen uıymshyldyqtyń joǵary deńgeıde ekenin atap ótti.
Qoǵamdyq birlestik uıymy ókilderiniń aıtýynsha mundaı kezdesýler jas áskerı qyzmetkerlerdiń ómirinde mańyzdy ról atqarady. Sebebi sol arqyly sarbazdar ata-analardyń, qoǵamnyń olarǵa degen qoldaýy men qamqorlyq sezinedi. Al bul jaýyngerlerdiń ishki senimin nyǵaıtýǵa kómektesedi.
Sapar qorytyndysy boıynsha Sharıfa Ahmetjanqyzy men ata-analar áskerı qyzmetkerlerge jasalyp jatqan jaǵdaıǵa rıza ekendikterin jetkizdi. Eń bastysy, ata-analar balalarynyń áskerı qyzmet boryshy tynysh ári qaýipsiz ótip jatqanyna kózderin jetkizip qaıtty.
ShYMKENT
