Foto: Ashyq derekkóz
Oqıǵa aspaly joldyń qaýipsizdik júıesi kabınalardy avtomatty túrde toqtatqan sátte bolǵan. Alaıda ishinde tórt jolaýshy men eki qyzmetker bolǵan bir kabına jardan qulap ketken.
ANSA agenttiginiń málimetinshe, mert bolǵandardyń ekeýi — Ulybrıtanııa azamattary, bireýi — Izraıl azamaty. Qalǵan bir adamnyń azamattyǵy ázirge naqtylanbaǵan.
Qutqarýshylar apat kezinde basqa kabınada qalyp qoıǵan 11 adamdy arnaıy qaýipsizdik belbeýleri arqyly evakýasııalap, olardy Kastellamare-dı-Stabııa taý bazasyna jetkizgen.
Qutqarý jumystary teńiz deńgeıinen shamamen 1200 metr bıiktikte júrgizilip jatyr. Aýa raıynyń qolaısyzdyǵy men qalyń tuman qutqarýshylardyń jumysyn qıyndatyp otyr. Oqıǵa ornynda órt sóndirýshiler, karabınerler, polısııa jáne azamattyq qorǵanys qyzmetiniń mamandary jumyldyrylǵan.
Qutqarý operasııasy aıaqtalǵannan keıin prokýratýra oqıǵaǵa qatysty tergeý júrgizýdi bastaıdy.
