Foto: Ashyq derekkóz
Búginde joldyń 47 shaqyrymyn keńeıtý jumystary qolǵa alynǵan. Jobanyń jalpy quny 4,6 mıllıard teńge. Burynǵy eni jeti metr jol, 11 metrge deıin keńeıtiledi. Onyń bir jolaǵy reversıvti bolady. Merdiger kompanııanyń ókili joldy jóndeýge qajetti materıaldardyń barlyǵy bar, jumysty tap-tuınaqtaı etip jyl sońyna deıin aıaqtaımyz dep sendirip otyr.
«Qazir keńeıtý jumystaryn bastap kettik. Topyraqty syryp, qıyrshyq tas tóseımiz. Joldyń betin meılinshe nyǵaıtyp, bekitemiz. Kýrortty aımaq bolǵandyqtan kólik sany kóp. Sondyqtan barlyq jumysty sapaly atqarýǵa tyrysamyz», deıdi «Kókshetaý avtodor» seriktestiginiń atqarýshy dırektory Rýstam Badalıan.
Bıyl Aqmola oblysynda jol qurylysy men jóndeý jumystaryna 109 mıllıard teńge bólinbek. 800 shaqyrymnan astam jol jańartylmaq.
