Týrızm • 21 Sáýir, 2025

Byltyr Qazaqstanǵa eń kóp týrıst qaı elderden kelgen

0 ret

kórsetildi

1 mın

oqý úshin

Týrızm jáne sport mınıstrliginiń málimetinshe, 2024 jyly elimizge eń kóp týrıst Qytaıdan kelgen. Keıingi oryndarda Úndistan, Túrkııa, Germanııa, Ońtústik Koreıa memleketi tur. Bul TMD memleketterin esepke almaǵandaǵy kórsetkish, dep jazady Egemen.kz.

Dana MYRZAQADIR

Byltyr Qazaqstanǵa eń kóp týrıst qaı elderden kelgen

Foto: ortcom.kz

О́tken jyly Qazaqstanǵa jumys babymen nemese turaqty turýǵa kelgenderdi eseptemegende, týrıst bolyp 15,3 mln sheteldik qonaq kelgen. Onyń ishinde 10,4 mln adam elimizde bir kúnnen kóp ýaqytqa qalyp, sheteldik týrıster sanatyna engen. Resmı statıstıkaǵa saı sheteldik meımandardyń elimizde ortasha bolý merzimi - 4 kún.

Sanamalasaq, 2024 jyly Qazaqstanǵa Qytaıdan 655 myń, Úndistannan 146 myń, Túrkııadan 130 myń adam saıahattaǵan.

2024 jyly elimizge 92 myń germanııalyq týrıst kelgen. Olar Qazaqstannyń etnotýrızm, tabıǵı jáne mádenı nysandaryna erekshe qyzyǵýshylyq tanytqan.

Al Ońtústik Koreıadan 40 myńǵa jýyq týrıst elimizde bolǵan. Mınıstrlik atalǵan elderden týrısterdiń kóp kelýin eki el arasynda vızasyz rejımniń engizilip, áýe qatynastarynyń artqanymen baılanystyryp otyr.