Foto: Facebook, M.Magerramov.
Eske salaıyq, Prezıdent janyndaǵy Ǵylym jáne tehnologııalar jónindegi ulttyq keńestiń otyrysynda Qasym-Jomart Toqaev bilikti kadrlardy irikteý jáne daıarlaý, sondaı-aq olardyń ǵylym salasynda odan ári jumys isteýi úshin jaǵdaı jasaý negizgi mindetterdiń biri ekenin atap aıtqany málim.
«Memleket basshysy atap ótkendeı, 2023 jyly 1500 doktoranttyń 38% ǵana dıssertasııasyn sátti qorǵady. Bul rette olardyń jartysyna jýyǵy ǵana ǵylymı qyzmetin jalǵastyryp jatyr. «Qazaqstan halyq partııasy» (QHP) fraksııasy qalyptasqan jaǵdaı kóbinese talapkerlerge qoıylatyn talaptarǵa negizdelgen», dedi M.Magerramov
Depýtattyń aıtýynsha qazirgi ýaqytta stýdentter bakalavr dıplomyn alyp, negizgi joǵary bilimmen eshqandaı qatysy joq mamandyq boıynsha magıstratýraǵa túsip júr.
«Oıymyzsha, azamattardyń bilim alý sapasyna mundaı ústirt kózqaras eldiń zııatkerlik áleýetin joǵaltýǵa jáne ǵylymı áleýettiń quldyraýyna ákeledi. Osyǵan baılanysty ýákiletti organǵa magıstratýraǵa túsý tártibi men talaptaryn tolyq qaıta qaraýdy, magıstratýraǵa túsý úshin tıisti beıindi joǵary bilimniń bolýyn negizgi talap retinde keltirýdi usynamyz», dedi májilismen.
M.Magerramovtyń sózinshe doktorantýraǵa túsý úshin keminde 9 aı jumys ótili, sońǵy úsh kúntizbelik jyldaǵy ǵylymı jarııalanymdar tizimi (bar bolsa), zertteý júrgizý jospary men esse bolýy qajet.
«Biraq, oıymyzsha, ǵylymı, pedagogıkalyq jáne kásibı qyzmet sapasynyń negizgi kórsetkishi – ǵylymı-zertteýdiń quramdas bóligi, mamannyń kásibı jaramdylyǵyn qamtamasyz etetin onyń alǵan bilim-daǵdylarynyń praktıkalyq turǵyda durys qoldanylýy. QHP fraksııasy sandyq emes, sapalyq kórsetkishterge nazar aýdarý qajet dep sanaıdy. Doktorantýraǵa túsý úshin ózekti talaptar kóbine zertteý tájirıbesi jetkiliksiz kóptegen ǵylym doktorlaryn týdyrdy», dedi depýtat.
M.Magerramovtyń aıtýynsha beıindi mınıstrlik doktorantýraǵa túsýge qoıylatyn talaptardy qaıta qaraý qajet.
«Kandıdattardyń ǵylymı jarııalanymdaryna sandyq jáne sapalyq talaptardy belgileý, sondaı-aq magıstratýrany aıaqtaǵannan keıin doktorantýraǵa túsý úshin mindetti ýaqyt aralyǵyn 5 jyl merzimge bekitý qajet», dep túıindedi depýtat Magerram Magerramov.
