Foto: Ashyq derekkóz
Mańǵystaý óńirine jumys saparymen barǵan kólik mınıstri Marat Qarabaev Mańǵystaý temirjol vokzalyndaǵy jumystardy tekserip, qaıta jańarý jumystary aıasynda jańa ǵımarat salynatynyn málimdedi.
«Mańǵystaý temirjol vokzalynyń aýmaǵy 10 ese artady. Qaıta jańartý jumystary aıasynda zamanaýı úlgidegi jańa ǵımarat boı kóteredi. Ǵımarat úsh qabattan turady. Erekshe qajettiligi bar jandarǵa jaǵdaı jasaýǵa basa nazar aýdardyq. Ǵımarat aýdanynyń aıtarlyqtaı artýyna baılanysty arnaıy ana men bala bólmelerin, zamanaýı kútý zaldaryn, eskolatorlar men travolatorlardy ornatýdy qarastyrdyq. Jolaýshylar aǵyny men sany artyp, týrızm de damı túspek», dedi Marat Qarabaev.
Sonymen qatar Shetpe vokzalynyń aýdany 5 ese, al Beıneý vokzalynyń aýdany 10 ese artatyny habarlandy. Sondaı-aq bıyl mamandar 404 shaqyrymdyq Beıneý-Mańǵystaý temirjolyn jańartady. Poıyz qozǵalasyn retteıtin júıe (avtoblokırovka) Shalqar-Beıneý jáne Mańǵystaý-О́zen temirjoldarynda ornatylady.
