Foto: kokshetoday.kz
«IIM esirtki qylmysyna qarsy is-qımyl komıteti esirtki qylmystaryn, ásirese kámeletke tolmaǵandardy tartý jaǵdaılaryn anyqtaý, jolyn kesý jáne aldyn alý baǵytynda bar kúsh-jigerin salyp jumys júrgizýde. Alaıda bul máseleni tek quqyq qorǵaý organdarynyń kúshimen sheshý múmkin emes. Sizderdi beıjaı qalmaýǵa shaqyramyz. Balalar men jasóspirimderdiń minez-qulqyndaǵy ózgeristerge nazar aýdaryńyzdar. Zańsyz satý boıynsha kúdik týdyratyn ınternet-resýrstarǵa, graffıtı men kodtary bar jarnamalarǵa mán berińizder. Biz ár óńir boıynsha keri baılanys úshin telefon nómirlerin qaldyramyz. Siz mańyzdy aqparatty anonımdi jáne qaýipsiz túrde habarlaı alasyz. Bul qylmystyń aldyn alyp, bireýdiń ómirin qutqarýǵa kómektesýi múmkin», dedi IIM esirtki qylmysyna qarsy is-qımyl komıteti tóraǵasynyń mindetin atqarýshy Danııar Meıirhan.
