Aqmaral Álnazarova Berdenovtiń jaǵdaıy áli turaqty, biraq aýyr ekenin aıtty.
«Hırýrgtardyń eki brıgadasy kelgennen keıin tórt saǵat ishinde barlyq qajetti shuǵyl operasııalyq kómek kórsetildi. Naýqasqa ota jasalyp, jaǵdaıy turaqtandyryldy. Qazirgi tańda onyń jaǵdaıy turaqty. Ol ózdiginen júrip-tura alady, biraq áli de dárigerlerdiń baqylaýynda», dep túsindirdi vedomstvo basshysy seısenbi kúni QR Úkimetiniń otyrysynda.
Eske sala keteıik, 21 sáýir kúni saǵat 20:30 shamasynda Shymkent qalasy ákimdigi ǵımaratynyń mańynda qala ákiminiń orynbasary Rýslan Berdenovke qarýly shabýyl jasaldy. Onyń jambas jáne ıyq tusynan oq jaraqatyn alyp, aýrýhanaǵa jatqyzylǵany habarlanǵan bolatyn.
