Foto: Mádenıet jáne aqparat mınıstrligi
Mádenıet jáne aqparat mınıstrliginiń málimetinshe, baıqaý horeografııanyń úsh atalymy: bı, halyq bıi jáne zamanaýı horeografııa boıynsha ótken. Baıqaýǵa Qazaqstannan bólek Germanııa, Italııa, Latvııa, Lıtva, Estonııa, Ýkraına, Soltústik Afrıka elderiniń ónerpazdary qatysqan.
Halyqaralyq baıqaýda ansambl solısi Sanııa Sákenova I dárejeli laýreat atanyp, eki altyn medal jeńip aldy. Ol baıqaý baǵdarlamasynda Anvara Sadyqova qoıǵan «Aqbaıan» qazaq bıin jáne Ernur Qaryqbol qoıǵan «Temýlen» mońǵol bıin bıledi. Sondaı-aq, ansambl bıshisi oryndaýshylyq sheberligi men ártistik óneri úshin Amerıka Qurama Shtattaryndaǵy Margo Fonteın atyndaǵy Balet akademııasynda eki aptalyq oqý stıpendııasynyń sertıfıkatyna ıe boldy.
Osylaısha, «Gúlder» ansambliniń bas baletmeısteri Anvara Sadyqova men Sanııa Sákenova Margo Fonteın balet akademııasynyń kórkemdik jetekshisi Kennet Laddenniń arnaıy shaqyrtýyn aldy.
Sonymen qatar, qazylar alqasynyń sheshimi boıynsha «Gúlder» ansambli «Ulttyq bı mádenıetin saqtaý jáne damytý» arnaıy syılyǵymen marapattaldy.
