Foto: egemen.kz/ Qyrmyzy Jumaǵalıqyzy
Búgingi tańda nysannyń qurylysy 65%-ǵa oryndalǵan. Jalpy quny 419 mln teńgeni quraıtyn jobaǵa buryn Úkimet rezervinen jáne oblystyq bıýdjetten qarjy bólingen. Qazir ınjenerlik jeliler: sýmen jabdyqtaý, elektr energııasy jáne kommýnıkasııalardy júrgizý boıynsha jumystar atqarylyp jatyr. Úkimettiń baspasóz qyzmetiniń málimetinshe, qurylysty tolyq aıaqtap tapsyrý 2025 jyldyń mamyryna josparlanǵan.
Qazaqstanda «Aýylda densaýlyq saqtaýdy jańǵyrtý» ulttyq jobasy aıasynda 655 nysan, sonyń ishinde medısınalyq jáne feldsherlik-akýsherlik pýnkt, dárigerlik ambýlatorııa salý josparlanǵan. Búginde 467 nysannyń qurylysy aıaqtaldy. Alǵashqy medısınalyq-sanıtarııalyq kómek nysandaryn salýǵa jáne aýrýhanalardy rekonstrýksııalaýǵa qarajat respýblıkalyq bıýdjetten bólinedi. Qarjylandyrý Arnaýly memlekettik qordan da júrgiziledi. Premer-mınıstr densaýlyq saqtaý mınıstrligi men ákimdikke qalǵan 188 medısınalyq nysannyń qurylysyna jáne aýrýhanalardyń qaıta qurylýyna apta saıyn monıtorıng júrgizýdi tapsyryp otyr.
