Bul ekologııalyq bastama – Almaty oblysyndaǵy alǵashqy orman-klımattyq jobanyń bir bóligi. Ol tozǵan aýyl sharýashylyǵy jerlerin qalpyna keltirýge jáne óńirdiń ekologııalyq jaǵdaıyn jaqsartýǵa baǵyttalǵan.
Merekelik is-sharalar Qonaev qalasynda jalǵasyn tapty. Qalanyń shetinde jańa jasyl beldeý irgetasy qalandy. Jobanyń maqsaty – kómirtek izin azaıtyp, turaqty orman ekojúıesin qalyptastyrý.
Qala ortalyǵyndaǵy alańda etnomádenı kórme uıymdastyryldy. Qazaq, sheshen-ıngýsh, káris, tatar-bashqurt, orys, uıǵyr, túrik jáne tájik dıasporalarynyń ókilderi ulttyq taǵamdaryn, qolóner buıymdaryn usynyp, «Aýyl sheberleri» etnoaımaǵynda sheberlik sabaqtaryn ótkizdi.
Festıval Memlekettik Ánuranmen ashyldy. Almaty oblysynyń ákimi Marat Sultanǵazıev jınalǵan qaýymdy merekemen quttyqtady.
«Sizderdi Qazaqstan halqynyń birligi kúnimen shyn júrekten quttyqtaımyn! Bul mereke – dostyqtyń, ózara túsinistik pen kelisimniń nyshany. «Birlik bar jerde – tirlik bar» deıdi halqymyz. Etnostar arasyndaǵy aýyzbirshilik pen syılastyqtyń arqasynda elimiz damyp, alǵa basyp keledi. Qazaqstannyń basty jetistigi – ultaralyq kelisim. Biz ony saqtap, nyǵaıta bilýimiz kerek», dedi aımaq basshysy.
Merekeniń mańyzdy sátteriniń biri – Qazaqstan halqy Assambleıasynyń 30 jyldyǵyna arnalǵan mereıtoılyq medaldardy tabystaý boldy. Bul marapatty 17 etnomádenı birlestiktiń belsendi múshesi ıelendi.
Baǵdarlama ulttyq kıimder sherýimen jáne B.Soqpaqbaev atyndaǵy saıabaqta ótken «Birlik júgirýimen» aıaqtaldy. 300-ge jýyq adam qatysqan bul sporttyq bastama birlik ıdeıasynyń – tek mádenı qundylyq emes, ómir salty ekenin aıqyndady.
