Foto: Ashyq derekkóz
Alaıda, bul habarlamadan keıin, qazaqstandyqtardyń kópshiligi shetel azamatyna kórsetilgen erekshe iltıpatqa narazy bolyp, HQKO-da bárine birdeı qyzmet kórsetilýi tıis ekenin alǵa tartty. Syn pikirlerden keıin memlekettik korporasııasy áleýmettik jelide túsindirme jazba jarııalady.
«Atalǵan materıaldyń maqsaty – tanymaldylyǵyna baılanysty bireýdi ereksheleý emes. Keı qonaqtarǵa erekshe kóńil bólýdi teńdik prınsıpin buzady dep qabyldanǵanyn túsinemiz. Osyǵan baılanysty, HQKO-larda kórsetiletin barlyq qyzmetter zańnama sheńberinde jáne barsha azamattar úshin teń jaǵdaıda júzege asyrylatynyn erekshe atap ótkimiz keledi. Jarııalanymdaǵy jalǵyz maqsatymyz – basqa memleketterde de moıyndalyp júrgen qyzmet kórsetý sapasynyń joǵary deńgeıin kórsetý bolatyn», delingen habarlamada.
Baspasóz qyzmeti atap ótkenindeı, mundaı qadam korporasııanyń klıentke baǵdarlanǵan tásili, ókildik formaty jáne qonaqjaılylyqtyń belgisi retinde jasalǵan. Bul tájirıbe buǵan deıin de qoldanylǵan, tóraǵa tanymal qazaqstandyqtardy jeke qabyldap, memlekettik qyzmetterdiń sapasyn baqylap jáne keri baılanys alý maqsatynda kezdesýler ótkizgen.
Bul jaǵdaıdan keıin qoǵamda «Iаna Rýdkovskaıa Qazaqstanda turýǵa ruqsat alǵan ba? Oǵan yqtııarhat nemese azamattyq berilgen be? Ol Qazaqstanǵa qandaı eńbek sińirdi? Mundaı iltıpat árbir azamatqa birdeı kórsetile me?», degen syndy suraqtar týyndady.
Resmı derekke súıensek, Iаna Rýdkovskaıa 1975 jyly Qostanaıda dúnıege kelgenimen, balalyq shaǵynda otbasymen birge Reseıdiń Barnaýl qalasyna kóship ketken. Ázirge tıiste organ reseılik shoý bıznes ókiliniń Qazaqstan azamattyǵyn alǵan-almaǵandyǵy jónindegi aqparat bergen joq.
Al korporasııa basqarmasynyń ókilderi basshylyqtyń erip júrýi memlekettik qyzmetterdi alýda eshqandaı artyqshylyq bermeıtinin málimdedi. Barlyq memlekettik qyzmetter Qazaqstan Respýblıkasynyń zańnamasyna sáıkes, árbir ótinish berýshige teń jaǵdaıda kórsetiletinin atap ótti.
Aıta keteıik, QR Ishki ister mınıstrliginiń málimetinshe, 2022 jyldan 2024 jyldyń qazan aıyna deıin 6 665 reseılik Qazaqstan azamattyǵyn alǵan, onyń ishinde 2 199-y – qandastar. Sol kezeńde 33 677 reseılik Qazaqstanda turaqty turýǵa ruqsat alǵan.
