Foto: Kólik mınıstrligi
Investısııanyń basty maqsaty — áýejaı ınfraqurylymyn jańǵyrtý jáne qyzmet kórsetý sapasyn arttyrý.
Aldaǵy jyldary júzege asyrylatyn negizgi jobalar qatarynda:
- Ushý-qoný jolaǵyn qaıta jańartý;
- Júk tasymaldaýshy kompanııalar úshin jańa perron salý;
- Ishki reıster termınalyn jóndeý;
- Júk qoımalaryn jańǵyrtý jáne sıfrlandyrý;
- Jańa qonaq úı salý;
- Áýejaı jumysynyń tıimdiligin arttyrýǵa baǵyttalǵan basqa da is-sharalar bar.
Sonymen qatar, áýejaı qyzmetkerleriniń áleýmettik jaǵdaıyn jaqsartýǵa erekshe kóńil bólinedi. Atap aıtsaq, 2025 jyly jalaqy orta eseppen 25%-ǵa ósedi, áýejaı mańyndaǵy turǵyndar men qyzmetkerlerge arnalǵan medısınalyq ortalyq ashylady. Sonymen qatar 600 jańa jumys orny qurylady jáne ACI akkredıtasııasynan ótken oqý ortalyǵy iske qosylyp, qyzmetkerlerge jeke ashana ashý josparlanǵan.
Aıta keteıik, 2024 jyldyń maýsym aıynda Almaty qalasy áýejaıynyń jańa termınaly paıdalanýǵa berilgen bolatyn. Jalpy aýdany 53 500 sharshy metrdi quraıtyn bul nysan jolaýshylar aǵynyn aıtarlyqtaı jeńildetken.
Kólik mınıstrliginiń habarlaýynsha, jańa ınvestısııalyq jospardyń tolyq málimetteri Almaty halyqaralyq áýejaıynyń 2025 jylǵy jazda ótetin baspasóz konferensııasynda jarııalanady.
