Foto: gov.kz
Maksımaldy qamtý jáne túrli formattaǵy demalys
Bıyl demalys pen bos ýaqytty tıimdi úılestirý sharalaryna 79 480 balany qamtý josparlanǵan. Bul – oblystaǵy oqýshylardyń jalpy sanynyń 83,4 paıyzy. Budan bólek, mektep oqýshylarynyń 100 paıyzǵa jýyǵy túrli is-sharalarǵa – shyǵarmashylyq, zııatkerlik, sporttyq, patrıottyq jáne basqa da baǵyttar boıynsha tartylady.
Oblys boıynsha 267 mektep janyndaǵy jáne beıindi lager jumys isteıdi. Olar jalpy bilim beretin mektepterdiń, qosymsha bilim berý uıymdarynyń jáne balalar-jasóspirimder sport mektepteriniń bazasynda uıymdastyrylady. Onyń ishinde 110 lagerde 9 myńnan astam balany ystyq tamaqpen qamtý qarastyrylǵan. Sonymen qatar balalar úıleri, kitaphanalar, aýla klýbtary men úıirmeler de belsendi túrde jumyldyrylady.
Stasıonarlyq lagerler: áleýmettik osal toptaǵy balalarǵa basymdyq beriledi
Jaz mezgilinde 11 stasıonarlyq saýyqtyrý lageri jumys isteıdi dep josparlanyp otyr. Onyń ishinde 8-i – memlekettik, 3-i – jekemenshik lager. Jalpy 5172 bala lagerde demalmaq. Onyń ishinde 4713-i – áleýmettik osal sanattaǵy balalar. Olar «Vseobých» qorynyń qarajaty esebinen joldamamen qamtylady.
Qazirgi ýaqytta lagerlerdi balalardy qabyldaýǵa daıyndaý – basty nazarda. Bul baǵytta jóndeý jumystary júrgizilip, qajetti jabdyqtar satyp alynyp jatyr. Lagerdegi qaýipsizdik beınebaqylaý, qoǵamdyq tártip kúzeti, sanıtarlyq-epıdemıologııalyq baqylaý jáne mamandardy irikteýdiń qatań tártibi arqyly qamtamasyz etiledi.
Intellektýaldyq jáne patrıottyq baǵyttaǵy jańa jobalar
2025 jyly oblysta balalardyń jeke tulǵalyq damýy men qyzyǵýshylyǵyn arttyrýǵa baǵyttalǵan birqatar jańa joba júzege asyrylady:
«Abaı joly» – Abaı Qunanbaıulynyń ómiri men shyǵarmashylyǵyna qatysty oryndar boıynsha ádebı-ólketaný baǵyty;
«JAS AKADEMIK-2025» – Semeı jáne О́skemen qalalarynyń ýnıversıtetterimen birlesken daryndy balalarǵa arnalǵan akademııalyq jazǵy mektep;
«Jazǵy kásibı baǵdarlaý lagerleri» – kolledjder bazasynda jumysshy mamandyqtardy nasıhattaýǵa arnalǵan;
«Jazǵy kempıng» – týrızm, patrıottyq tárbıe jáne sporttyq saıystar elementterimen uıymdastyrylatyn kóshpeli qysqamerzimdi demalys baǵdarlamalary.
Sonymen qatar óńirdiń qala-aýdandarynda jazǵy bos ýaqytty tıimdi uıymdastyrýǵa baǵyttalǵan 33 aımaqtyq joba iske asyrylýda.
Qaýipsizdik – basty basymdyq
Jazǵy kezeńde balalardyń qaýipsizdigine erekshe mán beriledi. Shomylý tek resmı ruqsat etilgen oryndarda ótedi, qyzmetkerler quqyq qorǵaý organdarynyń bazasy arqyly tekseriledi, barlyq sanıtarlyq norma qatań saqtalady. Mektep janyndaǵy lagerlerde is-sharalar arnaıy bekitilgen baǵdarlamalar men ádistemelik usynymdarǵa sáıkes ótkiziledi.
2025 jylǵy jazǵy maýsymda balalardyń qaýipsiz ári mazmundy demalysy uıymdastyrylady. Lager baǵdarlamalary ár balanyń áleýetin damytý jáne ásirese áleýmettik jaǵynan osal otbasylarǵa qoldaý kórsetýge baǵyttalady.
Jazǵy demalysty uıymdastyrý máselesi Abaı oblysynyń bilim basqarmasynyń turaqty baqylaýyna alynǵan.
