Foto: gov.kz
Soǵys jyldary aıadaı ǵana Talas aýylynan maıdanǵa attanǵan 104 azamattan, 41 azamat oralyp, 63 – i ıaǵnı jartysynan kóbi maıdan dalasynda erlikpen qaza tapqan.
Olardyń qatarynda «Dańq» ordeniniń II jáne III dárejesimen marapattalǵan, Sevostopol qalasynyń Qurmetti azamaty atanǵan Jansaıa Maqyshuly, III dárejeli «Dańq» ordeniniń ıesi Satybaldy Ábdildaev, «Qyzyl juldyz» ordenimen, birneshe medaldarmen marapattalǵan, kapıtan dárejesinde soǵysqa qatysyp, erlik kórsetken Nurilden Isabaev, Japsarbaev Mámitáli jáne basqa da barlyq maıdanger men tyl eńbekeri bar.
Eskertkishti jańartýǵa soǵys ardagerleriniń urpaqtary bastamashy bolǵan. Qarajattary men ýaqytyn aıamaı, atalarynyń amanatyn arqalaǵan urpaqtyń bul isi – naǵyz azamattyqtyń, ultqa degen súıispenshiliktiń belgisi. Eskertkishtiń ashylý saltanatyna jergilik atqarýshy organ ókilderi, aýyl turǵyndary, soǵys jáne tyl ardagerleriniń urpaqtary qatysyp, izgi tilekterin jetkizdi.
