Qazaqstanda Qurban aıt merekesi bıylǵy jyly 6 maýsymda bastalady. Bul jóninde Qazaqstan musylmandary dinı basqarmasynyń (QMDB) Sharıǵat jáne pátýa bólimi málimdedi, dep habarlaıdy Skifnews.kz aqparattyq portaly.
Usynylǵan kúnder Hıjrı kúntizbesine jáne halyqaralyq astronomııalyq esepteýlerge súıene otyryp anyqtalǵan. 2025 jylǵy Qurban aıt 6, 7 jáne 8 maýsym kúnderine sáıkes keledi. Aıttyń birinshi kúni – 6 maýsym beısenbige túsip, elimizde resmı demalys kúni bolyp esepteledi.
Sonymen qatar pátýa bóliminiń mamandary aı kúntizbesine negizdelgen dinı meıram kúnderi aıdyń týýy men kórinýine qaraı sál ózgerýi múmkin ekenin eskertti. Iаǵnı, kórsetilgen merzim naqty astronomııalyq baqylaýlarǵa baılanysty bir kúnge ilgeri ne keıin jyljýy yqtımal.
Qurban aıt – musylmandar úshin qasıetti ári mańyzdy meıram. Bul kúnderi aıt namazy oqylyp, turmysy jetkilikti jandarǵa qurbandyq shalý paryz bolyp sanalady. QMDB erejesine saı, qurbandyqty aıt namazynan keıin bastap, úsh kún ishinde shalýǵa bolady.
