Is-shara barysynda mektep oqýshylary kennen mys óndirý barysymen tanysty. Olar rýdanyń alǵashqy óńdelý sátinen bastap, daıyn ónimge deıingi barlyq óndiristik kezeńderdi óz kózderimen kórip, zamanaýı tehnologııalar men qondyrǵylardyń jumysymen tanysý múmkindigine ıe boldy.
Ekskýrsııa barysynda qaýipsizdik tehnıkasy basty nazarda boldy. Árbir oqýshyǵa óndiristik ortada ózin-ózi ustaý erejeleri túsindirilip, arnaıy nusqama berildi. Bul – balalardyń eńbek mádenıetin tereń túsinip, kásibı tártipke beıimdelýine úlken septigin tıgizedi.
Mektep túlekteri negizgi óndiristik alańdardy aralap, jumysshylardyń tynyǵý oryndary men áleýmettik jaǵdaılarymen de tanysty. Mundaı jan-jaqty aqparat jastardyń kásiptik baǵdaryn naqtylaýyna, óndiris salasyna qyzyǵýshylyqtaryn arttyrýyna yqpal etti.
Ekskýrsııa sońynda oqýshylar men ustazdar jaǵymdy áserlerimen bólisip, kompanııaǵa rızashylyqtaryn bildirip, tabysty damý men órkendeý tiledi.
«Ekskýrsııa barysynda oqýshylar ken óndirýdiń barlyq kezeńderimen tanysyp, óndiristik qaýipsizdik erejeleri boıynsha kirispe sabaqtarǵa qatysty. Bul tájirıbe olardyń bolashaq mamandyq tańdaýyna úlken áser etti. Oqýshylar ınjener, tehnık, operator syndy mamandyqtardyń mańyzdylyǵyn túsindi. Bul – olardyń kásibı baǵdaryn aıqyndaýǵa zor múmkindik boldy. «KAZ Minerals» kompanııasy bilim berý salasyna qosqan úlesi úshin rızashylyǵymyzdy bildiremiz. Aldaǵy ýaqytta da osyndaı ıgi ister jalǵasyn tabady dep senemiz. Bul – balalardyń jarqyn bolashaǵyna qosylǵan úles, aýyl mektebiniń damýyna jasalǵan mańyzdy ınvestısııa. Árbir demeýshilik joba – bilim sapasyn arttyrýǵa, oqýshylardyń qyzyǵýshylyǵyn damytýǵa jáne jaıly orta qalyptastyrýǵa zor múmkindik», deıdi Qopa aýyly S. Seıfýllın atyndaǵy JBBOM muǵalimi Merýert Saıtbaeva.
Osyndaı is-sharalar – óńir jastarynyń bolashaǵyna baǵyttalǵan mańyzdy qadam. Olar mektep partasynan-aq óndiris tynysymen tanysyp, óziniń erteńgi mamandyǵyn sanaly túrde tańdaýǵa jol ashady.
Abaı oblysy
