Foto: egemen.kz/ Qyrmyzy Jumaǵalıqyzy
Nysandar «Aýylda densaýlyq saqtaýdy jańǵyrtý» baǵdarlamasy aıasynda salynyp jatyr. Dárigerlik ambýlatorııalar paıdalanýǵa berilgende kúnine 45 adamǵa medısınalyq kómek kórsetýge qaýqarly bolady.
Baǵdarlama boıynsha óńirde 30 nysan qurylysy josparlanǵan, onyń 28-i paıdalanýǵa berilgen, qalǵan ekeýi bıyl tapsyrylady.
Úkimettiń baspasóz qyzmetiniń málimetinshe, ulttyq joba sheńberinde Qazaqstanda 655 jańa mekeme – medısınalyq jáne feldsherlik-akýsherlik pýnktter, dárigerlik ambýlatorııalar qurylysy josparlanýda. Qazirgi ýaqytta 468 nysanda jumys aıaqtalǵan.
Aıta keteıik, alǵashqy medısınalyq-sanıtarııalyq kómek kórsetý mekemelerin salýǵa jáne aýrýhanalardy rekonstrýksııalaýǵa qarajat respýblıkalyq bıýdjetten bólinedi. Sonymen qatar qarjylandyrý Arnaýly memlekettik qor esebinen de júzege asyrylady.
