Fotolar: gharysh.kz
Aksııaǵa elimizdiń túkpir-túkpirinen kelgen mektep oqýshylary – pándik olımpıadalardyń jeńimpazdary men áleýmettik mekemeler tárbıelenýshileri qatysyp jatyr.
Mańyzdy sharalardyń biri – «Ǵaryshqa jol» jobasy boıynsha ótken Ulttyq ǵarysh ortalyǵyna tanymdyq ekskýrsııa boldy. Is-sharany «Qazaqstan Ǵarysh Sapary» UK» AQ jáne onyń seriktesi «Ghalam» JShS birlese uıymdastyrdy. Oqýshylar kompanııa basshylyǵynyń quttyqtaý sózin tyńdap, atalǵan kompanııanyń qyzmeti týraly beınerolık tamashalady. Odan keıin olar ǵarysh apparattaryn qurastyrý-synaq keshenine baryp, naǵyz óndiristik ortanyń qalaı jumys isteıtinin kórdi.
Bul týraly gharysh.kz saıtynyń jazýynsha ekskýrsııa barysynda oqýshylar spýtnıkterdiń qalaı jasalatynyn, qalaı synaqtan ótetinin jáne qazirgi zamanǵy ǵarysh tehnologııalarynyń negizinde ne jatqanyn óz kózderimen kórdi. Ortalyq ınjenerleri men mamandary óz jumystary týraly aıtyp, prosestiń negizgi kezeńderin kórsetti.
«Árbir bala ǵarysh alys arman emes, búginde qoljetimdi naqty mamandyq ekenin bilse deımiz», deıdi uıymdastyrýshylar.
Ekskýrsııa oqýshylardyń tanym kókjıegin keńeıtip qana qoımaı, naǵyz shabyt kózine aınaldy. Kóptegen balalar bolashaǵyn ınjenerııa, ǵylym jáne tehnologııa salalarymen baılanystyrý týraly oı túıdi.
