Foto: OKQ
Qazaqstannyń magıstraldyq temirjol jelisi boıynsha 154 baǵytta poıyzdar qatynap jatyr. 2024 jyly temirjol kóligimen 20,8 mln jolaýshy tasymaldanǵan. Al, bıyl 22 mln jolaýshyny tasymaldaý josparlanǵan, onyń ishinde jaz aılarynda – 7 mln astam adam.
Spıkerdiń aıtýynsha, tasymaldyń qoljetimdiligin qamtamasyz etý úshin jazǵy maýsymǵa qosymsha 12 baǵyt uıymdastyrylady, onyń ishinde 9 baǵyt Alakólge deıin qatynaıdy, sondaı-aq Astanadan Almaty, Shymkentke deıin taǵy 3 marshrýtty, Balqash-Qaraǵandy baǵytyn uıymdastyrý josparlanǵan.
«Atalǵan sharalar jazǵy maýsymda poıyzdarda shamamen 300 myń qosymsha oryn qurýǵa múmkindik beredi. Jolaýshylar aǵynynyń artýyna baılanysty poıyz quramdarynyń uzyndyǵy qosymsha vagon tirkeý arqyly kezeń-kezeńimen ulǵaıtylady, bul shamamen 1 mln qosymsha oryn usynýǵa múmkindik beredi», dedi J.Taıjanov.
