Foto: Yonhap
Ushaq beısenbi kúni jergilikti ýaqytpen saǵat 13:49 shamasynda eldiń ońtústik-shyǵysyndaǵy taý bókterine soǵylǵan. Kýágerler bıikke kóterilgen tútindi baıqap, jarylys daýysyn estigen.
Áskerı-teńiz kúshteriniń málimetinshe, P-3 teńiz avıasııasy ushaǵy Phohan qalasyndaǵy áýe bazasynan saǵat 13:43-te ushyp shyqqan. Ushý men qoný boıynsha oqý-jattyǵý tapsyrmasyn oryndaýǵa kirisken áýe kemesi belgisiz sebeppen ushqannan alty mınýt ótken soń apatqa ushyraǵan.
Ushaq bortynda eki ofıser men eki kishi ofıser bolǵan. Barlyǵynyń máıiti tabyldy.
Qaıǵyly oqıǵanyń sebep-saldaryn anyqtaý úshin arnaıy tergeý toby qurylyp, P-3 úlgisindegi ushaqtardyń ýaqytsha ushýy toqtatyldy. Turǵyndar tarapynan zardap shekkender týraly málimet joq.
El prezıdentiniń mindetin atqarýshy Lı Djý Ho Qorǵanys mınıstriniń mindetin atqarýshy Kım Son Hodan aqparat alǵan soń, qutqarý jumystaryn jedeldetip, ekologııalyq zalaldy boldyrmaý úshin barynsha shara qabyldaýǵa shaqyrdy.
