Foto: kazgazeta.kz
Prezıdent Qasym-Jomart Toqaevtyń 2026 jylǵa qaraı geologııalyq-geofızıkalyq barlaý alańyn keminde 2,2 mln sh.sh. deıin ulǵaıtý týraly tapsyrmasyn oryndaý maqsatynda úkimet ınvestısııalyq ahýaldy jaqsartý, jer qoınaýyn paıdalaný salasyndaǵy zańnamany jetildirý jáne jańa tehnologııalardy engizý boıynsha jumys bastalǵan. Atap aıtqanda, jańa paıdaly qazbalar ken oryndaryn izdeý boıynsha boljaý jáne aýdıt jumystary júrgizilýde. Burǵylaý jumystary burǵylaý qajettiligin geologııalyq negizdegennen keıin júrgiziledi.
Búgingi tańda «Kazakhmys Barlau» JShS Greenfield jobasy aıasynda Abaı aýdanynda burǵylaý jumystary qyzý jalǵasýda. Jalpy josparlanǵan burǵylaý kólemi - 3 000 jel.m.
«Vostokaznedra» OD usynǵan málimetterge sáıkes, Shyǵys Qazaqstan jáne Abaı oblystarynyń aýmaǵynda jalpy sany 530 ken jáne metall emes ken oryndary memlekettik teńgerimge engizilgen. Onyń 142-si – kendi paıdaly qazbalar, onyń ishinde 73 – asyl metaldar, 44 – tústi metaldar, 19 – sırek metaldar, 6 – qara metaldar jáne osynshama janǵysh paıdaly qazbalar ken oryndary bar. 382 ken orny – kendi emes paıdaly qazbalarǵa jatady.
2024 jyly 6 ken orny alǵash ret memlekettik teńgerimge engizilgen: Shyǵys Qazaqstan oblysynda 3 ken orny – Rıdder myrysh zaýytynyń (RMZ) ónerkásiptik alańy janyndaǵy klınker úıindisi, Kýlýdjýn ózen ańǵaryndaǵy shógindi, Ertis mys qorytý zaýytynyń № 1, 2, 3 jáne 5 úıindileri, Abaı aýdanyndaǵy 3 – Tuz, TMO Ortalyq Muqyr jáne Vavılonskoe.
