Infraqurylym • 03 Maýsym, 2025

Shubar aýylyna tabıǵı gaz tartyldy

20 ret

kórsetildi

1 mın

oqý úshin

Memleket basshysy Qasym-Jomart Toqaevtyń aýyl halqynyń ómir súrý sapasyn arttyrý jáne eldi mekenderdi gazdandyrý jónindegi tapsyrmalaryn iske asyrý aıasynda Shubar aýylynda tabıǵı gazben jabdyqtaý júıesi iske qosyldy, dep habarlaıdy Egemen.kz.

Baıqal BAIÁDIL

Uzyndyǵy 74,2 shaqyrymdy quraıtyn gaz qubyry jobasyn Selınograd aýdanynyń qurylys bólimi júzege asyrdy. Nátıjesinde, Shubar aýylyndaǵy 400-den astam turǵyn úı tabıǵı gazǵa qosyldy.

2024-2028 jyldarǵa arnalǵan ınvestısııalyq baǵdarlama aıasynda «QazaqGaz Aimaq» AQ-nyń elordalyq óndiristik fılıaly birqatar eldi mekenderde gaz qubyrlaryn salý jumystaryn qarqyndy júrgizýde. Atap aıtqanda, 2025 jylǵy aqpanda Selınograd aýdanynyń Nurly aýylynda da turǵyndar tabıǵı gazǵa qol jetkizdi. 2020-2024 jyldar aralyǵynda Aqmola oblysynda 657 shaqyrym gaz qubyry salynyp, paıdalanýǵa berildi. Nátıjesinde 9 656 úı gazben qamtyldy. Sońǵy iri jobalardyń qatarynda Arshaly aýdanynyń Jibek joly aýylyn gazdandyrý jáne «Saryarqa» magıstraldy gaz qubyrynyń birinshi kezeńi aıasynda 17 eldi mekendi qamtý jumystary bar.

Aqmola oblysy