Foto: Aýyl sharýashylyǵy mınıstrligi
Sharalar bekitilgen josparǵa sáıkes, avıasııalyq, jerústi tehnıkasy men drondardy tarta otyryp júzege asyrylyp jatyr. Búginge deıin 330 myń gektardan astam aýmaqta monıtorıng júrgizilip, 27 myń gektardan asa jerge hımııalyq óńdeý jasalǵan. Atalǵan jumystardy salalyq vedomstvolar men merdiger uıymdar úılestirip otyr.
Aýyl sharýashylyǵy mınıstrliginiń baspasóz qyzmetiniń málimdeýinshe oblys ákimi Marat Sultanǵazıev Sheńgeldi aýyldyq okrýginde kóshpeli keńes ótkizip, naýqan barysymen jeke tanysty. Merdiger uıymdardyń ókilderi men aýyl sharýashylyǵy salasynyń mamandaryna vedomstvoaralyq ózara is-qımyldy kúsheıtý, hımııalyq qorǵanys quraldarymen úzdiksiz qamtamasyz etý, zııankesterdiń jańa oshaqtary anyqtalǵan jaǵdaıda jedel áreket etý tapsyrylǵan.
