Foto: astana-akshamy.kz
Ońtústik Koreıa – Qazaqstan úshin mańyzdy týrıstik naryqtardyń biri.
2024 jyly elimizge 40 180 koreıalyq kelgen. Bul 2023 jylmen salystyrǵanda +12,8% ári pandemııaǵa deıingi kórsetkishke teń.
Qonaqúılerde túnegen týrıster sany da 26 861 adamǵa jetip, 12%-ǵa ósken. Mınıstrlik eki el arasyndayǵ týrıstik qatynastyń damýyna vızasyz rejım, tikeleı reısterdiń kóbeıýi jáne belsendi ilgeriletý jumystary yqpal etip otyrǵanyn atap ótti.
Seýlde ótken B2B kezdesýlerinde qazaqstandyq týroperatorlar Koreıanyń 60-tan astam kompanııasymen kelissózder júrgizgen. Sharaǵa Kazakh Tourism, Almaty Tourism Bureau, Air Astana, SCAT jáne «Shymbulaq» kýrorty belsendi qatysqan.
Is-shara Qazaqstannyń Koreıadaǵy elshiliginiń qoldaýymen ótken.
«2024 jyly Qazaqstan ekonomıkasy 5,1%-ǵa ósti. Sheteldik ınvestısııalar kólemi rekordtyq deńgeıge jetti. Memleket qoldaýynyń arqasynda týrızm, onyń ishinde MICE-sektor belsendi damyp keledi. 2025 jyly Astanada ótken halyqaralyq forým – sonyń dáleli. Onyń qonaqtarynyń biri – BUU-nyń burynǵy Bas hatshysy Pan Gı Mýn boldy», dedi Qazaqstannyń Koreıa Respýblıkasyndaǵy elshisi Nurǵalı Arystanov
Sondaı-aq Almaty týrızm basqarmasy Seýldegi SITF halyqaralyq kórmesine qatysý prosesin uıymdastyryp jatyr. Al sáýirde Kazakh Tourism jáne Air Astana Koreıanyń 9 iri týroperatoryna aqparattyq týr ótkizgen.
