Jyl basynan jyljymaly medısınalyq keshen Talǵar, Jambyl, Eńbekshiqazaq, Qarasaı, Ile aýdandary men Shelek aýylynda kómek kórsetti.
«Jyljymaly keshenniń arqasynda 4 aıda 5 myńnan astam aýyl turǵyndaryn tekserip, olarǵa ýaqyt pen qarajat únemdeýge múmkindik berdik. Bul shalǵaıdaǵy halyq úshin asa mańyzdy», dedi Almaty aımaqtyq kópsalaly klınıka dırektory Saıahat Oljaev.
2025 jyldyń aqpan aıynan mamyr aıyna deıingi aralyqta 5 350 adam tekserýden ótti. Onyń ishinde 1 648 áıelge mammografııa, 1 401 adamǵa KT tekserý júrgizildi.
Tekserý nátıjesinde 8 adamnan qaterli isik anyqtalsa, 123 adamnan qaterli isiktiń belgileri anyqtaldy. 156 pasıentten obyraldy jaǵdaılar anyqtaldy.
«Erte dıagnostıka – sátti emdeýdiń kilti. Jyljymaly keshenderdiń kómegimen biz qaterli isik aýrýlaryn erte satysynda anyqtaýǵa múmkindik alyp otyrmyz. Bul – adamdardyń ómirin saqtap qalýdyń naqty joly», dep atap ótti Saıahat Oljaev.
Jyljymaly medısınalyq keshen maýsym aıynda Qarasaı jáne Uıǵyr aýdandarynyń turǵyndaryn tekserýden ótkizedi.
Jyljymaly dıagnostıkalyq keshenderdi paıdalaný – densaýlyq saqtaý júıesin jetildirý men árbir azamatqa medısınalyq kómekti jaqyndatýdyń tıimdi quralyna aınalyp otyr.
Almaty oblysy
