Foto: Úkimettiń baspasóz qyzmeti
Mınıstrdiń aıtýynsha, el ekonomıkasynyń negizgi tiregi – ónerkásip salasy, ol 2024 jyldyń qorytyndysy boıynsha JIО́ qurylymynyń 25,7%-yn quraǵan. Bıylǵy bes aıda sala 6,4% ósim kórsetken.
Keńeste ónerkásiptiń ishki baǵyttary – mashına jasaý, tamaq, hımııa jáne munaı óńdeý salalarynyń da ósim áleýeti qarastyrylǵan.
Aıta keteıik, qurylys salasy erekshe qarqyn kórsetip otyr. 2025 jyldyń alǵashqy bes aıynda ósim 15,4%-ǵa jetip, oryndalǵan jumys kólemi 2 trln teńgeden asqan.
Turǵyn úı qurylysy da oń serpin kórsetip, jyl sońyna deıin 19 mln sharshy metr turǵyn úıdi paıdalanýǵa berý josparlanǵan. Qazirdiń ózinde 6 mln sharshy metr tapsyrylyp, ótken jyldyń sáıkes kezeńimen salystyrǵanda 5,7% ósim tirkelgen.
«Bizdiń maqsatymyz – bıyl JIО́ 6%-dyq ósimine qol jetkizý. Ol úshin naqty sektordaǵy barlyq sala belgilengen ındıkatorǵa sáıkes jumys isteýi tıis. Ákimshilik kedergilerdi jedel joıyp, kompanııalar óz ónimin shyǵarýdy ulǵaıtýy úshin árbir saladaǵy qarqynnyń baıaýlaýy esebinen naqty aılyq josparlar ázirleý qajet», dedi Serik Jumanǵarın.
